小朋友「未夠秤」做唔到暑期工，不過可以透過模擬職場體驗，一嘗打工滋味！透過角色扮演及摸擬不同工作環境，小朋友就有機會認識各行各業，甚至能學習待人接物以至理財技巧，學到嘢架！以下推介4個「職業體驗」場所，爸媽趁暑假帶小朋友去玩齊啦！
JOBS junior 「逼真」體能測試．考「實戰」
JOBS junior 以不定期形式舉辦各種具挑戰性的職業體驗，按小朋友能力安排「逼真」體能測試，例如以吹氣滑梯充當救生梯，爬鐵圈過三關等，又會設置「真實」任務如射水救火、拯救小動物等，好玩得來又能讓小朋友明白不同職業的「辛酸」，必定眼界大開！部分環節家長都可以參與，咁就唔怕悶啦！7月正招募［消防員］，名額有限，行動啦！
「入職」要求：3 – 8歲的小朋友，家長可參與部分環節 ($348 包1位小朋友及1位家長)，地點為荃灣愉景新城第二層STEM CITY。
「招聘」詳情：/JOBSjuniorsimulation/
湊夠20人．免費玩消防員體驗
如果小朋友對消防及救護員感興趣，又不想花錢，可以向「消防及救護教育中心暨博物館 」申請團體參觀體驗，只要夠20人就可以參加了！導賞團會由消防員親自帶領，可以近距離接觸消防員，小朋友一定好興奮！屆時還可體驗火場逃生、急救及模擬滅火等環節，讓小朋友一嘗做消防員的滋味！
「入職」要求：不論年紀，只要湊夠20人就可以申請，惟必須於活動前30天以電郵方式提交申請。
「招聘」詳情：/hkfsd.gov.hk/ (圖片：香港急救及救護服務／政府新聞網 ）
奧海城「未來事業所」．「打工出糧」學理財
有得著制服「返工」，仲有糧出，兼學埋儲蓄理財，於7月17日至 8月31日去奧海城舉辦的「未來事業所」就有得玩啦！屆時將提供6個不同職業體驗，包括郵差、空中服務員、建築工人、警察、醫護人員及餐廳服務員。小朋友將穿上制服進行30分鐘工作體驗，之後會獲發「薪金」，小朋友要學習如何好好運用薪金，特別是學習「先儲蓄後消費」！雖然體驗時間比較短，不過好玩又實用！
「入職」要求：4-10歲的小朋友，能夠獨力完成體驗（家長只能在活動範圍外旁觀），憑奧海城最多兩間不同商戶之即日電子貨幣消費滿港幣$300 之發票，就可換領體驗券1張，憑券免費參與1項職業體驗。
「招聘」詳情：/futureme.hk/
童夢城「職業學園」．玩埋航天特警
位於香港機場T２大樓的「童夢城」，提供10多個不同的模擬行業，包括機師、機艙服務員、航天太空人、醫生、育嬰護士、新聞主播、外景記者、消防及急救員、機場特警、舞台演員、攝影師等，非常全面！特設模擬火箭發射中心及太空艙，讓小朋友感受「太空漫遊」夠新鮮！仲可以順道玩埋全港獨家的「合味道工作坊」﹗雖然機場比較遠，但趁暑假小童可免費搭機場快線，都可慳返D！
「入職」要求：3-12歲的小朋友，須有成人陪同入場（票價：小童 -$320; 成人- $160）。一大一小入場都唔平，不過「童夢城 facebook」不時有優惠套票，不妨留意下＝）
「招聘」詳情：/dreamcometrue.com.hk/
