看日劇《凪のお暇》，不單大人要看氣氛做人，小朋友亦然。
要看大人面色、喜好、當時氣氛⋯⋯慢慢，失去了自己，亦失去了快樂。
主角阿凪細細個已很怕吃粟米，但為討媽媽歡心（其實是怕媽媽嬲），就扮作很愛吃。接著是媽媽不斷的苛索與要求，是阿凪成長的終極恐懼。
有次，媽媽又在眾人面前責備阿凪：「從小你就係咁，無論我交低乜野俾你，你都做唔到成績出來。我既期望，你從來都做唔到，一次都做唔到！」
28歲的阿凪終於忍無可忍，亦是有生以來鼓起的最大勇氣，說：
「⋯⋯我一直都好憎媽媽你，你成日用唔同方法令我產生罪疚感，逼我聽你話，喺人面前就扮好人，仲不斷期望我做一啲你自己都做唔到既野⋯⋯對唔住，我自問唔可以成世為你而生存⋯⋯」
前幾天與幾位初中學生相聚，他們平常與父母的關係看來也不錯。但不一會，當問題不自覺地游到家庭，孩子說：「唔好講我屋企，佢地係我仇人⋯⋯」另一說：「我唔想講，佢地唔值得我講，我亦唔想講⋯⋯」
我們是否也將孩子一步步堆入失去自我的悲傷中⋯⋯而不知道。
文：Az媽 圖：Aziza Lo
