「38.4度，點算？」 正想就寢之際，傳來艾菲的whatsapp。
「今日剛教推拿可退燒，不如妳先試試。而家已十一點，要睇醫生也只有去急症室。」我一邊爬上床，一邊覆艾菲。艾菲是我一起學中醫的同班同學，平時會交流學習心得。
「我正有此意，老師話最有效係6歲以下，囝囝剛滿6歲…」
「先試下吧！」
「我記得小兒推拿退燒是要用食指及中指嘅指面由小兒嘅手腕推向手肘。」
「對！只需推囝囝左手便成。」
「好！我先試試，始終唔想囝囝食太多藥…」
「退咗燒啦！我推咗約200下，之後俾D暖水佢飲，兩、三個鐘後出咗身大汗。推拿真係可以退燒！！！」朝早起身見到艾菲的whatsapp，3:26am發出。瞬間又傳來新訊息：「雖然瞓得三個鐘，我仲記得老師話退燒後調理都好重要，要食D易消化、清淡食物，如粥、新鮮蔬菜、水果等，切忌食辛辣、凍飲、油膩食物，仲要注意觀察病情變化。」媽媽真是偉大！
作者：祖以斯
