不一定只有小朋友才報暑期活動，父母間中放下假加入埋一齊玩，親子感情絕對會超級加分！無論是出哂汗玩野外定向、親子露營，還是齊齊玩音樂、聽”鬼馬”故事、砌”藝術品”……只要是親子一齊crossover，加上特別設計安排，其化學作用一定大爆發，好玩到你唔信 haha!!!!
合力找”可造之材” ‧ 訓練觀察力
要訓練小朋友創意及觀察力，父母個人觸角亦不可少！一齊學習在日常生活中找出「可造之材」，變成各式各樣的”藝術品”及”實用品”就Very Good la!!如膠樽紙糊公仔、瓶蓋水晶膠掛飾、蔬菜圖章印布袋、紙巾盒小劇場、襪子戲偶、紙皮大面具等等！JCCAC舉辦的「藝術日常大攪作」就有得玩！
親子聽”鬼馬”故事．走訪舊香港
爸爸媽媽平時就講得多故事，暑假不如同小朋友一齊聽下故事，齊齊回味舊時香港，了解什麼是「走鬼檔」、平安包製作、傳統手工藝等故事，生活上就有更多共同話題了！故事工作坊會以繪本、實驗、體驗等方式「鬼馬」說故事，仲會走訪點心製作、吹糖工場、走訪舊時香港街道等，來個不一樣的親子體驗啦！
郁身郁勢 ‧ 親子熱情Jam歌
難得暑假，小朋友學音樂要不再孤單，爸爸媽媽加入埋一齊去Jam歌就超開心啦！學非洲鼓對父母來說是容易上手，一人一鼓爽之餘，加上非洲鼓夠熱情奔放，又充滿動感，跟小朋友一齊玩到郁身郁勢、跳埋舞都得，是非常好的親子忘我景界haha~~
親子拍住上．玩野外定向
要進深感情，有共同經歷是非常重要！跟小朋友一齊參加暑期野外定向，可選擇黑夜定向、遠足歷奇及越野定向等，各具難度，親子拍住上玩定向遊戲，努力找出方向目標，刺激好玩之餘，亦考驗親子合拍度，並能從中訓練解難能力和技巧。小朋友4歲以上就玩得了，不妨一試！
一家露營．玩獨木舟/觀星/競技
讓小朋友遠離煩囂、少啲打機，回歸大自然，來個family camping是很不錯！THE CEPT有一系列適合家庭參與的暑期露營體驗，由遠足、獨木舟、觀星、BBQ到不可少的營火晚會都一應俱全，並有專為家庭度身訂制的親子競技、尋寶定向、水上活動等，必定樂而忘返！6歲以上就可以組團GO GO GO啦！
