做「大仔」好，還是做「細仔」好？

有家長在一個幼稚園講座問起「大仔」和「細仔」讀起書來，「大仔」還是「細仔」好的問題。

家長：請問趙Sir，一般人講嘅「大仔」同「細仔」，喺指幾多歲呢？我個仔係12月出世，究竟屬於大仔還是細仔？

趙Sir：有幼稚園校長告訴我，佢哋業界認為1月出世的幼兒為大仔，12月出世的為細仔，你的孩子12月出世，應該是細仔。

家長：唔明白，1月和12僅有一個月之差，點解1月係大仔，小佢1個月嘅就變成細仔呢？

趙Sir：可以俾一啲例子你，假設你孩子2018年9月1日入學，如果你孩子於2015年1月1日出世，入學果陣時，佢幾多歲？

家長：將2018年9月1日減 2015年1月1日，入學果陣時喺3歲8個月。

趙Sir：好，如果你孩子於2015年12月1日出生呢，入學果陣時，佢又幾多歲呢？

家長：將2018年9月1減2015年12月1日，得出嘅結果喺2歲9個月。

趙Sir：表面睇起上來喺相差一個月，但因為喺9月1日入學，故此1月出世果個係3歲8個月嘅大仔，而12月出世果個係只有2歲9個月嘅細仔，兩個孩子，相差有11個月咁多。

家長：如果1月出世嘅小孩嘅小孩比12月出世嘅小孩大11個月，豈不是讀起書來好著數？

趙Sir：你講得正確，1月出世果啲小朋友，見多咗、聽多咗、接觸多咗、講多咗、做多咗，喺果11個月，腦子的細胞突觸連結多咗，亦即係話，佢哋比12月出世果啲小朋友，無論在社交、溝通、言行舉止、解決問題等能力，一定優勝，而且這種能力是永遠領先11個月的。

家長：你說是，細仔好難追得上大仔？

趙Sir：正是，除非細仔天資聰明，那又作別論。

家長：如果我的孩子是細仔，讀起上來比其他大仔反應慢，缺乏信心，是否應考慮早些重讀。

趙Sir：同意，重讀越早越好，遲了孩子便會感到自卑了。

作者：趙榮德校長
前喇沙書院副校長，香港輔導教師協會榮譽顧問；香港大學專業進修學院客席講師。著作約有廿二本，包括最新出版的2018/19「尋找免費優質幼稚園」及「小學選校一本通」等；更在「趙Sir之友Facebook」發放升學、親子文章：www.facebook.com/趙Sir之友